دنیا میں کچھ ایسی ایجادات ہیں جو ہماری روزمرہ زندگی کا اتنا لازمی حصہ بن چکی ہیں کہ ہم ان کی اہمیت پر کم ہی غور کرتے ہیں۔ انہی میں سے ایک ’تھرماس‘ ہے جو نہ صرف ہماری چائے، کافی اور سوپ کو دیر تک گرم رکھتا ہے بلکہ ٹھنڈے مشروبات کو بھی کئی گھنٹوں تک تازہ اور خوشگوار بناتا ہے۔

ہر سال 26 فروری کو تھرماس ڈے منایا جاتا ہے، جس کا مقصد اس شاندار ایجاد کو خراجِ تحسین پیش کرنا اور اس کی افادیت کو اجاگر کرنا ہے۔

تھرماس کی ایجاد، ایک سائنسی سنگ میل

سر جیمز ڈیوئر نے 1892 میں تھرماس ایجاد کیا۔ وہ ایک اسکاٹش سائنسدان تھے، جو کم درجہ حرارت پر مواد کی خصوصیات کا مطالعہ کر رہے تھے۔ انہوں نے ایک ویکیوم فلاسک بنایا جو درجہ حرارت کو برقرار رکھ سکتا تھا۔

اس ایجاد کو بعد میں ’تھرماس‘ کے نام سے تجارتی بنیادوں پر متعارف کرایا گیا اور یہ روزمرہ زندگی میں ایک عام مگر انتہائی مفید شے بن گئی۔

ایسا شاندار ٹوٹکہ جس سے آپ کے برتن کبھی نہیں ٹوٹیں گے

تھرماس کیسے کام کرتا ہے؟

تھرماس ایک خاص ویکیوم انسولیٹڈ ڈیزائن پر مبنی ہوتا ہے، جس میں دوہری دیواروں کے درمیان ہوا کو نکال دیا جاتا ہے۔ یہ ویکیوم اسپیس حرارت کو اندر یا باہر منتقل ہونے سے روکتا ہے، جس کی وجہ سے مشروبات یا خوراک اپنی اصل حالت میں زیادہ دیر تک محفوظ رہتی ہے۔ یہی سادہ مگر زبردست ٹیکنالوجی تھرموس کو ایک منفرد ایجاد بناتی ہے۔

تھرماس کی روزمرہ زندگی میں اہمیت

تھرموس کا استعمال آج ہر جگہ دیکھا جا سکتا ہے، دفتر میں کام کے دوران گرم چائے یا کافی کو دیر تک گرم رکھنے کے لیے، لمبے سفر کے دوران مشروبات کو گرم یا ٹھنڈا رکھنے کے لیے، پکنک اور آؤٹ ڈور ایونٹس میں، موسم کی سختی کے باوجود من پسند مشروبات کو تازہ رکھنے کے لیے۔

اسکول اور کالج میں طلبہ کے لیے جوس، کافی یا پانی کو طویل وقت تک محفوظ رکھنے کے لیے ، اور اسپتال میں مریضوں کے لیے گرم پانی، مشروب یا جڑی بوٹیوں والی چائے کو محفوظ کرنے کے لیے۔

ماحولیاتی فوائد، پلاسٹک کے متبادل کے طور پر

تھرماس کا استعمال نہ صرف آسانی اور سہولت فراہم کرتا ہے بلکہ یہ ماحول دوست بھی ہے۔ روزمرہ کے پلاسٹک بوتلوں اور ڈسپوزیبل کپ کے مقابلے میں، تھرماس ایک پائیدار حل ہے جو کچرے کو کم کرتا ہے اور ری یوز ایبل ہونے کی وجہ سے قدرتی وسائل کی بچت میں مدد دیتا ہے۔

کچن کی کالی دیواریں حیرت انگیز گھریلو ٹوٹکوں سے منٹوں میں چمکائیں

مختلف ایجادات سے ہماری زندگی میں بےحد آسانیاں ہوجاتی ہیں، وقت کی بچت، صحت اور بہت سی بہتری ہماری زندگی کے معیار کو بہتر اور تبدیل کردیتے ہیں اور تھرماس بھی ان میں سے ایک ہے۔

تھرماس ہماری زندگی کی شدید ضرورت بن چکا ہے۔ اسی طرح اس کے اسٹائل اور رنگوں میں بھی تبدیلیاں آچکی ہیں اور ہم تھرماس جیسی ایجاد کو ہرگز نظرانداز نہیں کرسکتے۔ یعنی ہم میں سے کوئی بھی تھرماس کی ایجاد کو نظرانداز نہیں کرسکتا۔

اگر آپ بھی اس مفید ایجاد کو خراجِ تحسین پیش کرنا چاہتے ہیں تو 26 فروری کو تھرماس ڈے منانے کے کچھ دلچسپ طریقے یہ ہو سکتے ہیں، مثلا اپنے پسندیدہ تھرموس میں چائے یا کافی بنا کر کام یا سفر کے دوران لطف اندوز ہوں، دوستوں یا خاندان کے ساتھ پکنک کا منصوبہ بنائیں اور تھرما س میں اپنے من پسند مشروبات لے جائیں۔

کچن کی جالی دار کھڑکی سے ڈھیٹ چکنائی کو صاف کرنے کے آسان طریقے

اسکے علاوہ کسی کو تحفے کے طور پر ایک اچھا تھرماس دینا نہ صرف محبتوں میں اضافہ کرے گا بلکہ ایک یادگار دن کے حوالے سے یاد رہے گا، خاص طور پر ایسے افراد کو جو بہت زیادہ سفر کرتے ہیں یا کام کی جگہ پر زیادہ وقت گزارتے ہیں۔

تھرماس ایک چھوٹی مگر حیرت انگیز ایجاد ہے جو ہماری زندگی میں آسانی، سہولت اور ماحول دوستی لاتی ہے۔ 26 فروری تھرماس ڈے ہمیں یہ یاد دلاتا ہے کہ معمولی دکھائی دینے والی ایجادات بھی ہماری زندگی پر گہرا اثر ڈال سکتی ہیں۔ اور کس طرح ہماری زندگی کے معیار کو بہتربناسکتی ہے۔