فرانس میں پولیس پر تشدد واقعات کی روک تھام کے لیے اسکول بیگز میں چھپائے گئے چاقو یا دیگر ہتھیاروں کی تلاشی لے گی۔

عالمی میڈیا کے مطابق فرانس کی وزیر تعلیم الزبتھ بورن نے کہا کہ یہ کارروائی موسم بہار میں شروع کی جائے گی۔

وزیرتعلیم بورن نے کہا کہ یہ کارروائیاں پولیس کے ذریعے کی جائیں گی کیونکہ اساتذہ اور اسکول کے عملے کو طلباء کی تلاشی لینے کا اختیار نہیں ہے۔

فرانس میں فائرنگ سے دو تارکین وطن سمیت 5 افراد ہلاک

ان کا کہنا تھا کہ اسکول کے گیٹ پر پریفیکٹ، نظام تعلیم کے نمائندوں اور پراسیکیوٹر کے ہمراہ بیگز کی تلاشی کا انتظام کیا جائے گا۔

وزیر تعلیم نے کہا کہ اسکولوں میں بڑھتے چاقو حملوں کے پیش نظر یہ پالیسی اختیار کی جا رہی ہے۔ انہوں نے کہا کہ وہ ایسا ضابطہ بنانا چاہتی ہیں کہ اگر کسی بچے کے پاس تیز دھار والا ہتھیار برآمد ہو تو اسے ڈسپلن کونسل کے سامنے پیش کیا جائےگا۔

فرانس:پیرس میں چاقو کےحملے سے 7افراد زخمی

انہوں نے کہا کہ اس طرح کا کیس کسی استثنیٰ کے بغیر پراسیکیوٹر کے پاس جائے گا، پہلے پراسیکیوٹر کو ہیڈ ماسٹر کے کہنے پر بلایا جاتا تھا۔

رواں ماہ کے اوائل میں پیرس کے مضافات میں ایک ہائی سکول میں 17 سالہ لڑکا چاقو حملے میں بری طرح زخمی ہوا تھا۔

حکام کا کہنا ہے کہ یہ اقدام سکولوں میں اس طرح کے واقعات کو روکنے کے لیے کیا جا رہا ہے۔