بھارت کے مشہور مذہبی شخصیت، اور مہا کمبھ میلے کے بابا ابھے سنگھ، جنہیں ’آئی آئی ٹی بابا‘ کے نام سے جانا جاتا ہے، نے پاک بھارت کرکٹ میچ کے حوالے سے غیر متوقع دعویٰ کر دیا۔

یاد رہے کہ 23 فروری کو دبئی میں چیمپئنز ٹرافی 2025ء کے سلسلے میں پاکستان اور بھارت کے درمیان ایک بڑا مقابلہ ہونے جا رہا ہے۔ تاہم، اس اہم میچ سے قبل بابا ابھے سنگھ نے پیشگوئی کی ہے کہ اس بار بھارت، پاکستان کو شکست نہیں دے سکتا۔

چیمپئنز ٹرافی: بھارت کیخلاف میچ کیلئے پاکستان کرکٹ ٹیم دبئی پہنچ گئی

بھارتی میڈیا پر وائرل ویڈیو میں بابا کو یہ کہتے سنا جا سکتا ہے کہ ’چاہے ویرات کوہلی سمیت تمام کھلاڑی اپنی پوری طاقت جھونک دیں، تب بھی پاکستان ہی جیتے گا۔ میں نے کہہ دیا ہے، بس کہہ دیا ہے۔‘

دبئی کرکٹ اسٹیڈیم میں میچ دیکھنے والوں کیلئے سخت قواعدو ضوابط جاری

ان کے اس بیان نے بھارتی سوشل میڈیا پر ایک نئی بحث چھیڑ دی ہے، جہاں کچھ لوگ ان کے دعوے کو حقیقت مان رہے ہیں جبکہ دیگر اسے محض ایک قیاس آرائی قرار دے رہے ہیں۔ اب دیکھنا یہ ہے کہ کیا واقعی بابا کی پیشگوئی درست ثابت ہوتی ہے یا بھارتی ٹیم تاریخ رقم کرنے میں کامیاب ہوگی۔