روسی شراب پر گاندھی کی تصویر نے ہنگامہ کھڑا کردیا
روسی شراب پر مہاتما گاندھی کی تصویر نے سوشل میڈیا پر ہنگامہ کھڑا کر دیا۔
بھارتی میڈیا رپورٹس کے مطابق روس میں ایک شراب بنانے والی کمپنی نے مبینہ طور پر اپنے بیئر کین پر مہاتما گاندھی کی تصویر پرنٹ کردی جس سے بھارتی شہری آگ بگولہ ہوگئے۔
رپورٹ کے مطابق یہ تنازعہ اس وقت شروع ہوا جب اوڈیشہ کے ایک لیڈر سپرنو ستپاتھی نے بیئر کین کی تصویریں شیئر کیں جن پر مہاتما گاندھی کی تصویر دیکھی گئی، یہ شراب کے کین ’ریورٹ‘ نامی برانڈ کے تھے۔
بھارت: مندر میں تقریب کے دوران ہاتھیوں کا حملہ، بھگڈر مچنے سے 3 افراد ہلاک
سپرنو ستپاتھی نے اپنے سوشل میڈیا پر اکاؤنٹ ایکس پر بھارتی وزیر اعظم نریندر مودی سے روس کے ساتھ اس مسئلہ کو حل کرنے کے لیے کہا۔
بھارتی وزیراعظم نریندر مودی کی وائٹ ہاؤس آمد پر کشمیری اور سکھ برادری سراپا احتجاج
ستپاتھی نے لکھا کہ میری نریندر مودی سے عاجزانہ درخواست ہے کہ وہ معاملے کو روس کے ساتھ حل کریں۔ پتہ چلا ہے کہ روسی شراب کا برانڈ ریورٹ گاندھی جی کے نام پر بیئر فروخت کر رہا ہے۔

ایک ایسی ہی ویڈیو انسٹاگرام پر بھی پوسٹ کی گئی جو وائرل ہوگئی۔
جیسے ہی بئیر کین کی تصاویر اور ویڈیوز سوشل میڈیا پر سامنے آئیں تو کئی بھارتی صارفین نے اس برانڈ کی مذمت کی اور اسے بھارت کی بے عزتی قرار دیا۔ ایک صارف نے تبصرہ کیا، “حیران کن اور ناقابل قبول، ہے جبکہ دوسرے نے لکھا کہ یہ انڈیا کی توہین ہے۔
Aaj English



















اس کہانی پر تبصرے بند ہیں۔