فخر پاکستان، جے ایف 17 تھنڈر بلاک تھری طیاروں نے ایک بار پھر دھوم مچا دی، سعودی عرب میں سپئیرز آف وکٹری 202 مشقوں کے دوران جے ایف 17 تھنڈر لڑاکا طیاروں کی دنیا کے جدید ترین لڑاکا طیاروں کے مقابلے میں شاندار پرفارمنس،زبردست آپریشنل صلاحیتوں اور تکنیکی خوبیوں نے تھنڈر کو مرکز نگاہ بنائے رکھا ہے۔

آئی ایس پی آر کے مطابق ایکسرسائز سپیئرز آف وکٹری میں حصہ لینے والا پاک فضائیہ کا دستہ وطن واپس پہنچ گیا۔

سعودی عرب کی شاہ عبدالعزیز ایئر بیس پر سپیئرز آف وکٹری ایکسرسائز 2025 میں پاک فضائیہ کے دستے نے بھرپور انداز میں حصہ لیا، پاک فضائیہ کے دستے میں جے ایف 17 تھنڈر بلاک تھری لڑاکا طیارے، کومبیٹ بپائلٹس اور ٹیکنیکل گراؤنڈ کریو شامل تھا۔

پاک فضائیہ کے طیاروں اور عملے نے ایکسرسائز میں بہترین پیشہ وارانہ انداز میں حصہ لیا۔

بین الاقوامی ڈپلائمنٹ کے لیے پاک فضائیہ کے طیاروں نے ہوم بیس سے سعودی عرب تک اور واپسی پر نان سٹاپ پرواز کی ۔ پاک فضائیہ تھنڈرز نے دوران پرواز ائیرٹو ائیر ری فیولنگ کا مظاہرہ بھی کیا۔

آئی ایس پی آر کے مطابق ایکسرسائزسپئیرز آف وکٹری میں شرکت اور واپسی کے لیے نان اسٹاپ پرواز جے ایف 17 تھنڈر بلاک تھری طیاروں کی لانگ رینج اپریشنل صلاحیتوں کی مظہر ہے۔

سپیئرز آف وکٹری ایکسرسائز کا مقصد حقیقت سے قریب ترین فضائی جنگ کے ماحول میں اشتراک کار کو فروغ دینا تھا۔

سپیئرز آف وکٹری ایکسرسائز میں میزبان سعودی عرب، پاکستان، بحرین، اور فرانس نے شرکت کی۔یونان، قطر، متحدہ عرب امارات ،امریکہ اور برطانیہ نے بھی مشقوں میں حصہ لیا۔

ترجمان افواج پاکستان آئی ایس پی آر کے مطابق ایکسرسائز کے دوران فخر پاکستان جے ایف 17 تھنڈر بلاک تھری طیاروں نے بہترین آپریشنل صلاحیتوں کا مظاہرہ کیا۔ جے ایف 17 تھنڈر طیاروں نے دنیا کے جدید ترین لڑاکا طیاروں کے مقابلے میں بہترین کارکردگی دکھائی۔

آپریشنل صلاحیتوں اور تکنیکی خوبیوں کے باعث جے ایف 17 تھنڈر طیاروں کو مشقوں کے دوران بھرپور پذیرائی ملی۔ پاکستان ایئر فورس کے ایئر اور گراؤنڈ کریو کی ایکسرسائز سپیئرز آف وکٹری میں بھرپور کامیاب شرکت اعلی اپریشنل ٹریننگ کی عکاس ہے۔