حافظ آباد میں پاکستان تحریک انصاف کے مقامی رہنما اور پی پی 39 سے امیدوار قمر جاوید گجر ایڈووکیٹ کو نامعلوم افراد نے فائرنگ کر کے قتل کر دیا۔

پولیس کے مطابق قمر جاوید گجر نماز پڑھنے مسجد جا رہے تھے کہ راستے میں گھات لگائے نامعلوم افراد نے ان پر فائرنگ کر دی، جس سے وہ شدید زخمی ہو گئے۔

انہیں فوری طور پر ہسپتال منتقل کیا گیا، مگر وہ زخموں کی تاب نہ لاتے ہوئے جاں بحق ہو گئے۔

پولیس کا کہنا ہے کہ مقتول وکیل بھی تھے اور واقعے کی تفتیش جاری ہے۔