کراچی کے سرکاری کالجز میں سکیورٹی کے پیش نظر سی سی ٹی وی کیمرے لگانے کا فیصلہ کیا گیا ہے۔

اس حوالے سے ڈی جی کالجز کی جانب سے سرکاری کالجز کے پرنسپلز کو سی سی ٹی وی کیمرہ لگانے کیلئے ایک مراسلہ جاری کیا گیا۔

مراسلے میں سکیورٹی خدشات اور چوری کی وارداتوں پر تشویش کا اظہارکیا گیا۔

محکمہ کالجز نے ہدایت کی کہ تمام کالجز کے باہر اور گیٹس پر کیمرے نصب کئے جائیں اور عملے کی فول پروف سکیورٹی کو یقینی بنانے کیلئے اقدامات کئے جائیں، کالجز کی حدود، اندرونی اور بیرونی حصوں پر بھی کیمرے نصب کیے جائیں۔

مراسلے میں ملازمین، طلبہ، اساتذہ اور سرکاری املاک کا تحفظ یقینی بنائے جانے کی ہدایت بھی دی گئی ہے۔

مراسلے کے مطابق کیمرے ایک مضبوط سکیورٹی فریم ورک اورسہولت فراہم کریں گے۔