اسلام میں ایس آئی ایف سی کا 22 جنوری 2025 کو ایگزیکٹو کمیٹی کا 12 واں اجلاس منعقد ہوا جس میں مختلف شعبوں میں جاری منصوبوں اور پالیسی اقدامات کی پیشرفت کا جائزہ لیا گیا ہے۔

اسلام میں ایس آئی ایف سی کا ایگزیکٹو کمیٹی کا 12 واں اجلاس وزیر منصوبہ بندی و ترقی احسن اقبال کی صدارت میں منعقد ہوا جس میں مختلف شعبوں میں جاری منصوبوں اور پالیسی اقدامات کی پیشرفت کا جائزہ لیا گیا ہے۔

اجلاس میں وفاقی وزراء، نیشنل کوآرڈینیٹر ایس آئی ایف سی، وفاقی سیکرٹریز، صوبائی چیف سیکرٹریز اور اعلیٰ سطح کے سرکاری افسران نے شرکت کی۔

ایس آئی ایف سی کی ایپکس کمیٹی کے اجلاس میں فیصلوں کی تفصیلات سامنے آگئیں

اجلاس میں مختلف وزارتوں نے ایس آئی ایف سی کے فورم کے ذریعے چلائے جانے والے پراجیکٹس اور پالیسی سطح کے اقدامات پر پیشرفت پیش کی ہے۔

ایس آئی ایف سی ایگزیکٹو کمیٹی نے صنعت، زراعت و لائیواسٹاک، کانوں و معدنیات، تیل و گیس اوربندرگاہوں جیسے اہم شعبوں سے متعلق پالیسی پہلوؤں پر تفصیلی تبادلہ خیال اور اتفاق رائے پیدا کیا ہے۔

وزیراعظم کی زیر صدارت 11 ویں ایپکس کمیٹی اجلاس میں خصوصی اقتصادی زونز کے منظور کئے گئے فریم ورک میں تجدید شدہ نقطہ نظر پر تیز عمل درآمد کی ہدایات دی گئیں۔

ایس آئی ایف سی کی 10 ویں ایگزیکٹو کمیٹی کا اجلاس

کمیٹی نے اس بات پر زور دیا کہ ملک میں صنعت کاری کو فروغ دینے کے لیے متعلقہ اسٹیک ہولڈرز کے درمیان قریبی ہم آہنگی اور تعاون ضروری ہے

کمیٹی نے گودام اور لاجسٹکس کے شعبے کو صنعت کا درجہ دینے کے لیے جاری کوششوں کو سراہا اور منظوری کے عمل کو تیز کرنے کی ہدایات دیں

اس پالیسی اقدام کا مقصد برآمدات، زراعت اور مینوفیکچرنگ کے شعبوں کو سپورٹ کرنے کے لیے جدید سپلائی چین کے بنیادی ڈھانچے کی ترقی کے لیے سرمایہ کاری کو غیر مقفل کرنا ہے،اس اقدام سے پاکستان کو عالمی اور علاقائی سپلائی چین میں ایک ترجیحی ملک کے طور پر جگہ دی جا سکتی ہے۔

ملک میں سرمایہ کاری کے فروغ کیلیے ایس آئی ایف سی کابینہ کمیٹی تشکیل

کمیٹی نے بندرگاہوں اور جہاز رانی کے بنیادی ڈھانچے سے متعلق مختلف پہلوؤں پر تیز عمل درآمد کی ہدایات دیں، کمیٹی کی ہدایات کے مطابق برآمدات اور درآمدات کو آسان بنانے کے لیے ٹرمینل ہینڈلنگ کو بہتر بنانا شامل ہے

کمیٹی نے ایس آئی ایف سی کے فورم کو استعمال کرتے ہوئے پالیسی سطح کے اقدامات اور اسٹیک ہولڈرز کی مشاورت کے ذریعے مختلف زیر التواء کراس سیکٹرل معاملات کو تیز کرنے کی ہدایات دیں۔

اس اجلاس کا مقصد ملک میں سرمایہ کاری کے ماحول کو مزید بہتر بنانا اور مختلف شعبوں میں ترقی کی راہ ہموار کرنا تھا، تاکہ پاکستان عالمی سطح پر اپنے مقام کو مضبوط بنا سکے۔