پاکستان تحریک انصاف (پی ٹی آئی) کے چیئرمین بیرسٹر گوہرعلی خان کا کہنا ہے کہ بانی پی ٹی آئی نے کہا کوئی ڈیل نہیں، دو نکات پر مذاکرات ہوں گے، چار ماہ کے اندر مینڈیٹ پر فیصلہ ہونا چاہیے۔

چیئرمین پی ٹی آئی نے جوڈیشل کمپلیکس میں میڈیا سے گفتگو کرتے ہوئے کہا کہ کبھی کبھی فیصلے کا اعلان کرنے میں تاخیر ہوجاتی ہے، گزشتہ روز بتایا گیا تھا کہ فیصلہ سنایا جائے گا، عدالت نے فیصلہ دینا ہی تھا تو کچھ انتظار کرلیتے۔

انہوں نے کہا کہ فیصلے کا تعلق مذاکرات کے ساتھ نہیں ہونا چاہیے، بانی پی ٹی آئی نے کہا کوئی ڈیل نہیں ہوگی، دو نکات پر مذاکرات ہوں گے، مذاکرات ملک میں سیاسی نظام کرنے کے لیے بہتر ہے۔

احتساب عدالت ’احکامات‘ پر عمل کر رہی ہے، بیرسٹر علی ظفر

ان کا کہنا تھا کہ مینڈیٹ کے حوالے سے اپنے مؤقف پر قائم ہیں، درخواستیں التواء پر ہیں، چار ماہ کے اندر مینڈیٹ پر فیصلہ ہونا چاہیے۔

انہوں نے مزید کہا کہ سیاسی مذاکرات ہو رہے ہیں، ٹیبل پر مزاکرات ہونے چاہئیں، ہم پرامید ہیں، اختلافات کو جلد ختم ہونا چاہیے۔

چیئرمین پی ٹی آئی بیرسٹر گوہرعلی خان کا کہنا تھا کہ بانی پی ٹی آئی آگ لگانے کیلئے نہیں باہر آئیں گے، عوام کو حقوق دینے اور عدلیہ کو آزادکرنے کے لیے باہر آئیں گے۔

انہوں نے بتایا کہ 16 جنوری کو اگلی نشست مذاکرات کی ہوگی، مذاکرات کے لیے کارکنان کی رہائی اور کمیشن کا قیام دو نکات ہیں، بانی پی ٹی آئی کی رہائی کے مطالبے سے پیچھے نہیں ہٹے ہیں۔