جے یو آئی کے مرکزی رہنما مولانا عبدالغفورحیدری کا پی ٹی آئی احتجاج کے معاملے پر اپنے ردعمل میں کہا ہے کہ اگر پی ٹی آئی آئین کے دائرے میں رہ کر احتجاج کرتی ہے تو یہ اس کا حق ہے،علی امین گنڈاپور ایک غیر سنجیدہ انسان ہے۔

مولاناعبدالغفورحیدری نے کہا ہے کہ احتجاج سب سیاسی جماعتیں کرسکتی ہیں ، سیاسی جماعتوں کو یہ حق آئین اور جمہوریت دیتی ہے ، 9 مئی نا پنسدیدہ عمل تھا،ایسےعمل سے اجتناب کرنا ہوگا ۔

مولانا فضل الرحمان پی ٹی آئی کی احتجاج کی کال سے لاعلم نکلے

جے یو آئی کے مرکزی رہنما نے کہا کہ علی امین گنڈاپور ایک غیرسنجیدہ انسان ہے جو ریاست کے اہم عہدے پر بیٹھ کر مار دھاڑ کی باتیں کرتا ہے، اس سے انکی سنجیدگی کا اندازہ لگا سکتے ہیں۔