امریکا میں ایک شخص نے اپنے بدبودار پاؤں کی شکایت پر گرم گرم بحث کے دوران اچانک مشتعل ہوکر اپنے والد کو گولی مار دی۔

یہ واقعہ ریاست آیووا کا ہے۔ 48 سالہ ڈیوڈ کارپینٹر نے اپنے والد کے چہرے پر گولی مارنے کے بعد پولیس کو فون کردیا۔

جب پولیس آئی تو اُس نے قبول کرلیا کہ اُس نے اپنے والد کو گولی ماری ہے اور اس وقت اس کا بیٹا بھی کمرے میں موجود تھا۔

فورٹ میڈیسن ڈیلی ڈیموکریٹ کی رپورٹ کے مطابق باپ بیٹے میں گندے اور بدبودار پاؤں کے حوالے سے بحث ہو رہی تھی۔ اس دوران بیٹا مشتعل ہوگیا اور باپ کو گولی مار بیٹھا۔

ولیم کارپینٹر نے پولیس کو بتایا کہ جب اُس نے اپنے بیٹے سے کہا کہ اُس کے پاؤں بدبودار ہیں تو وہ مشتعل ہوکر مارنے کھڑا ہوگیا۔ کچھ دیر تک دونوں میں اس حوالے گرما گرم بحث ہوتی رہی اور پھر ڈیوڈ نے پستول نکال کر والد کے چہرے پر گولی مار دی۔