شادی سے متعلق مختلف خبریں سننے کو ملتی ہیں مگر انڈونیشیا میں شادی کے سوال کو لے ایک شخص نے دوسرے شخص کی جان لے لی۔

غیر ملکی میڈیا رپورٹس کے قتل کا یہ واقعہ انڈونیشیا کے شمالی سماٹرا میں 29 جولائی کو پیش آیا جہاں مقتول کی شناخت اسگیم ایریانتو کے نام سے ہوئی جو سرکاری ریٹائرڈ ملازم تھا۔

واقعہ کچھ یوں پیش آیا جب زائد العمر شخص اسگیم ایریانتو نے اپنے 45 سالہ پڑوسی سے صرف اتنا ہی پوچھا کہ شادی کب کرو گے؟

بس اس سوال نے دکھتی رگ پر ہاتھ رکھنے کا کام کیا اور اس نے طیش میں ریٹائرڈ ملازم کے گھر میں گھس کر اسے قتل کر دیا۔

مقتول اسگیم ایریانتو کی اہلیہ نے انڈونیشین پولیس کو بیان میں بتایا کہ حملہ آور نے گھر کا دروازہ توڑا اور اس کے شوہر پر لکڑی کے ٹکڑے سے حملہ کرنا شروع کر دیا۔

میڈیا رپورٹ کے مطابق مجرم نے اپنے جرم کا اعتراف کرتے ہوئے پولیس کو بتایا کہ اس نے اپنے پرانے پڑوسی کو موت کے گھاٹ اتارنے کا جرم اس لیے کیا کیونکہ وہ اس بات سے دکھی تھا کہ وہ اس سے اکثر شادی نہ ہونے پر سوال کرتا تھا اور کہتا تھا کہ میں 45 سال کی عمر میں ابھی تک غیر شادی شدہ کیوں ہوں۔