مئیر کراچی اور پاکستان پیپلز پارٹی کے رہنما مرتضیٰ وہاب نے دعویٰ کیا ہے کہ کراچی کی 9 سے 10 نشستوں پر ہمیں برتری حاصل ہے، نتائج کی تاخیر پر ہمیں بہت تشویش ہے۔

کراچی میں پریس کانفرنس کرتے ہوئے مرتضیٰ وہاب نے کہا کہ نتائج میں 8 گھنٹے کی تاخیر نہیں ہونی چاہئے تھی، کراچی شہر ہے اور یہاں تاخیر کی کوئی وجہ نہیں بنتی۔

پی ٹی آئی نے حکومت بنانے کا اعلان کردیا

انہوں نے کہا کہ مجھے کہیں پتنگ نمایاں نظر نہیں آرہی، سندھ میں پیپلز پارٹی کو 90 فیصد نشستوں پر برتری حاصل ہے۔

ان کا کہنا تھا کہ ہمیں اس قیادت کی ضرورت ہے جو سب کو ساتھ لے کر چل سکے، سیاست میں ہمیں سب کو ساتھ لے کر چلنا ہوتا ہے۔