الیکشن کمیشن آف پاکستان (ای سی پی) نے 8 فروری کو ہونے والے انتخابات کے لیے 1.49 ملین (14 لاکھ 90 ہزار) اہلکاروں کی تربیت مکمل کرلی ہے۔

الیکشن کمیشن آف پاکستان کا کہنا ہے کہ اس نے 8 فروری کو عام انتخابات کے کامیاب انعقاد کے لیے انتخابی عملے کے تقریباً 1.49 ملین ارکان کی تربیت مکمل کرلی گئی ہے۔

ای سی پی ترجمان نے ایک بیان میں بتایا کہ 87 دنوں کے دوران کل 27,676 تربیتی سیشنز کیے گئے، جن میں 3,821 ٹرینرز شامل تھے۔

بیان میں کہا گیا کہ کمیشن نے تقریباً 5000 افسران اور ڈیٹا انٹری آپریٹرز (DEOs) کو 148 ٹریننگ سیشنز کے ذریعے ریٹرننگ افسران کے ساتھ ضم کرنے سے پہلے تربیت دی۔