دنیا میں اپنی آواز کا جادو جگانے والی کولمبیا کی گلوکارہ شکیرا کے معروف گانے ”وکا وکا“ کی طرز پر آم فروخت کرنے والے پاکستانی نوجوان کی ویڈیو وائرل ہوگئی۔

”وکا وکا“ گانا شکیرا کا مشہور گانا ہے جسے انہوں نے 2010 میں جنوبی افریقا میں ہونے والے فیفا ورلڈکپ کیلئے گایا تھا۔

نوجوان نے آم کو فروخت کرنے کے لئے نئی تکنیک اپنائی، جو دیکھتے ہی دیکھتے سوشل میڈیا پر وائرل ہوگئی ساتھ ہی وہ گاہکوں کو بھی اپنی جانب متوجہ کرنے میں کامیاب ہوگیا۔

انسٹا گرام پر شئیر ہونے والی ویڈیو میں دیکھا جاسکتا ہے کہ نوجوان شکیرا کے مشہور گانے کو گاتے ہوئے آم کو فروخت کررہا ہے، جس کی ویڈیو سوشل میڈیا پر وائرل ہوگئی ہے۔

ویڈیو کے کیپشن سے معلوم ہوا ہے کہ یہ ویڈیو پاکستان کے شہر اٹک کے نوجوان کی ہے، جسے اب تک لاکھوں لوگ دیکھ چکے ہیں جبکہ سوشل میڈیا صارفین بھی نوجوان کو پسند کررہے ہیں۔