سوشل میڈیا پر گلوکار راحت فتح علی خان اور ان کے بیٹے شاہ زمان کے ایک کنسرٹ کی ویڈیو وائرل ہو رہی ہے جس میں انہیں ایک ساتھ پرفارم کرتے دیکھا جا سکتا ہے۔

ویڈیو میں دیکھا اور سنا جاسکتا ہے کہ شاہ زمان علی خان اپنے والد کے ساتھ مشہور گانے ’کنا سونا تینوں رب نے بنایا‘ پر سُر ملاتے نظر آرہے ہیں۔

ویڈیو پر مداحوں کا کہنا ہے کہ شاہ زمان جب سُر لگاتے ہیں تو ان کی آواز بلکل استاد نصرت فتح علی خان کی یاد تازہ کر دیتی ہے۔

سوشل میڈیا پر بھی یہ ویڈیو خوب وائرل ہو رہی ہے تاہم کئی سوشل میڈیا صارفین نے بھی ویڈیو پر تبصرہ کرتے ہوئے شاہ زمان علی خان کی آواز کو استاد نصرت فتح علی خان کی آواز قرار دے دیا۔