خیبرپختونخوا کے نگراں وزیر خوراک فضل الہٰی کا کہنا ہے کہ رمضان ریلیف پیکج سے 57 لاکھ خاندان مستفید ہوں گے۔

عوام کے لئے رمضان ریلیف پیکج کا اعلان کرتے ہوئے صوبائی وزیر خوراک فضل الہٰی نے کہا کہ شہریوں کو صرف رمضان کے مہینہ کے لئے 10 کلو گرام آٹے کے 3 تھیلے مفت دیے جائیں گے جس کے لئے صوبے میں 7 ہزار سے زائد پوائٹنس قائم ہوں گے۔

نگراں صوبائی وزیر کے مطابق سابق حکومت کی دی جانے والی 2 ارب روپے کی سبسڈی ختم کی گئی ہے اور اب صرف بینظر انکم سپورٹ پروگرام کے تحت اہل لوگوں کو مفت آٹا ملے گا۔ 19 ارب 77 کروڑ روپے کی دی گئی سبسڈی سے صوبے کے 57 لاکھ خاندان مستفید ہوں گے۔