وزیراعظم کے 38 معاونین کو ہٹانے کیلئے صدر، وزیراعظم اور سیکرٹری کیبنٹ ڈویژن کو قانونی نوٹس بھجوا دیا گیا ہے۔

وزیراعظم شہبازشریف کے 38 معاونین کو ہٹانے کیلئے صدر مملکت، وزیراعظم اور سیکرٹری کیبنٹ ڈویژن کو قانونی نوٹس بھجوا دیا گیا ہے۔

قانونی نوٹس جوڈیشل ایکٹوازم پینل کی طرف سے اظہر صدیق ایڈووکیٹ نے بھجوایا، جس میں لکھا گیا ہے کہ وزیراعظم کے تمام معاونین کو میرٹ سے ہٹ کر تعینات کیا گیا ہے، جب کہ یہ تعیناتیاں رولز آف بزنس کے تحت میرٹ پر کی جانی چاہئے۔

قانونی نوٹس کے متن میں ہے کہ کابینہ کا حجم 11 فیصد سے زیادہ نہیں بڑھایا جا سکتا، ملک پہلے ہی معاشی طور پر بحران کا شکار ہے، لیکن ایک معاون کو ایک وفاقی وزیر کے برابر مراعات دی جا رہی ہیں۔

قانونی نوٹس میں کہا گیا ہے کہ سب معاونین کی تعیناتیاں کالعدم قرار دی جائیں، عملدرآمد نہ ہونے پر قانونی چارہ جوئی کیلئے عدالت سے رجوع کیا جائے گا۔