کراچی کے علاقے گلشن اقبال میں گھریلو ملازمین پر مبینہ تشدد سے 13 سالہ لڑکا دم توڑ گیا اور دوسرا زخمی ہوگیا۔

پولیس نے واقعہ کے دو روز بعد والد کے مدعیت میں مقدمہ درج کرکے ملزمہ کو گرفتار کرلیا جبکہ ملازمین پر تشدد کا واقعہ 8 فروری کو پیش آیا تھا۔

ملازمین کی شناخت رشید اور رفیق کے نام سے ہوئی، جو خاتون شیرین اسد کے پاس گھریلو ملازم تھے۔

پولیس نے بتایا کہ ملزمہ نے دونوں بچوں کو تشدد کا نشانہ بنایا اور خاتون کے تشدد سے رفیق ہلاک اور رشید زخمی ہوا۔