ہالینڈ کے ماہرارضیات کی ترکیہ میں آنے والے زلزلے سے متعلق پیشگوئی سچ ثابت ہوگئی۔

ماہر ارضیات فرینک ہوگر بیٹس نے ترکیہ اور شام میں آنے والے تباہ کن زلزلے کی پیشگوئی تین روز پہلے ہی کردی تھی۔

تین فروری کو اپنے ٹوئٹ میں انہوں نے کہا تھا کہ ترکیہ، شام، اردن اور لبنان میں سات اعشاریہ پانچ شدت کا زلزلہ آئے گا۔

فرینک ہوگر بیٹس نے پیشگوئی درست ثابت ہونے پر افسوس کا اظہاربھی کیا ساتھ ہی کہا کہ زلزلے سے متاثرہ ہرفرد کے لیے دل بہت دکھی ہے۔

واضح رہے کہ ترکیہ اور شام میں تباہ کن زلزلہ سے اموات کی تعداد 15 ہزارسے تجاوز کرگئی ہے۔