موسم کی بدلتی صورتِ حال اور دھند کے باعث اہم شاہراہیں بند کردی گئی ہیں۔

موٹروے حکام کے مطابق دھند کے باعث موٹر وے ایم 2 ٹھوکر نیار بیگ تا کوٹ مومن، موٹروے ایم 3 درکھانہ تا فیض پور، موٹروے ایم 4 عبدالحکیم تا پنڈی بھٹیاں ٹول پلازہ بند کر دی گئی ہیں۔

موٹروے ایم 11 کالا شاہ کاکو ٹول پلازہ تا سمبڑیال بھی بند ہے۔

ترجمان موٹرویز کا کہنا ہے کہ شہری غیر ضروری سفر سے گریز کریں۔

دوسری جانب محکمہ موسمیات نے مری میں برفباری اور بارش کی پیشگوئی کردی جس کے باعث لینڈ سلائیڈنگ کا خطرہ ہے۔

کمشنر راولپنڈی کا کہنا ہے کہ مسافر اور سیاح سفر کرتے ہوئے محتاط رہیں اور احتیاطی تدابیر کو یقینی بنائیں۔