پاکستان کی پہلی خاتون وزیراعظم محترمہ بینظیر بھٹو شہید کی صاحب زادی بختاور بھٹو اگلے ماہ 33 سال کی ہونے والی ہیں، اور ایسا لگتا ہے کہ شاید وہ اس بات پر خوش نہیں ہیں۔

بختاور نے اپنی فیس بُک اسٹوری پر گزشتہ سالگرہ کی ایک ویڈیو شئیر کی ہے جس میں وہ اپنے کیک پر سجے 32 کے ہندسے کو 23 میں بدل کر خوشی کا اظہار کرتی نظر آرہی ہیں۔

حالانکہ بختاور کا جنم دن جنوری کی 25 تاریخ کو منایا جاتا ہے، لیکن ایک مہینے قبل 25 دسمبر کو ان کی جانب سے شئری کی گئی سالگرہ کی اس ویڈیو نے فالوورز کو کنفیوز کردیا ہے۔

چلیں جو بھی ہو، سالگرہ 25 جنوری کو منائی جائے یا 25 دسمبر، ایک بات تو طے ہے کہ اس کی تقریب اور سرپرائز ہمیشہ کی طرحب شاندار ہونے والا ہے۔ جس کا ایک نمونہ ہم پچھلے سال دیکھ چکے ہیں۔

گزشتہ سال بختاور بھٹو نے اپنی سالگرہ کی انتہائی شاندار، دلکش، اور غیر معمولی تصاویر مداحوں کے ساتھ شئیر کی تھیں۔

انہوں نے اپنی 32ویں سالگرہ اپنے شوہر اور خاندان کے ساتھ منائی تھی، ان کے شوہر محمود چوہدری نے اپنی اہلیہ کو سالگرہ پر دل کو چھو لینے والی مبارکباد دی تھی۔

سب سے مزے کی بات یہ تھی کہ انہوں نے اپنے بیٹے میر حکیم کی طرف سے بختاور کیلئے سالگرہ کا ایک خوبصورت کارڈ لکھا۔