Aaj News

آمدن سے زائد اثاثہ جات ریفرنس: عدالت نے اسحاق ڈار کے خلاف کارروائی روک دی

نئے ترمیمی آرڈیننس کے تحت کیس عدالت کا دائرہ اختیار نہیں، عدالت
شائع 22 نومبر 2022 02:49pm
<p>تصویر بزریعہ اے ایف پی</p>

تصویر بزریعہ اے ایف پی

اسلام آباد کی احتساب عدالت نے وزیرِ خزانہ اسحاق ڈار کے خلاف آمدن سے زائد اثاثہ جات ریفرنس کا محفوظ فیصلہ سنا دیا۔

عدالت نے وزیرِ خزانہ اسحاق ڈار کے خلاف کارروائی روک دی ہے۔

احتساب عدالت کے جج محمد بشیر نے فیصلہ سناتے ہوئے ریمارکس دئے کہ نئے ترمیمی آرڈیننس کے تحت کیس عدالت کا دائرہ اختیار نہیں۔

عدالت نے ریفرنس نیب کو واپس بھجوا دیا۔

گزشتہ روز اسلام آباد کی احتساب عدالت میں آمدن سے زائد اثاثہ جات ریفرنس جج محمد بشیر نے بریت کی درخواستوں پر سماعت کی اور دلائل کے بعد فیصلہ محفوظ کیا تھا۔

جبکہ گزشتہ ہفتے ہونے والی سماعت میں احتساب عدالت نے وزیر خزانہ اسحاق ڈار کی حاضری سے مستقل استثنا کی درخواست منظور کی تھی۔

گزشتہ ہفتے ہونے والی سماعت میں اسحاق ڈار کی جانب سے تین درخواستیں دائر کی گئی تھیں۔

اسحاق ڈار نے اپنی پہلی درخواست میں حاضری سے مستقل استثنا کی استدعا کی تھی، جبکہ دوسری درخواست میں اثاثہ جات کی ڈی اٹیچمنٹ اور تیسری درخواست میں بریت کی استدعا کی گئی تھی۔

Ishaq Dar

Reference to assets in excess of income

Politics Nov22 2022

NAB court Islamabad

Comments are closed on this story.

مقبول ترین