Aaj News

جمعرات, مارچ 28, 2024  
17 Ramadan 1445  

تحریک عدم اعتماد سے پہلے وزیراعظم مستعفی ہو جائیں: بلاول

لاہور: پیپلز پارٹی کے چیئرمین بلاول بھٹو زرداری نے وزیراعظم...
شائع 06 مارچ 2022 07:53pm

لاہور: پیپلز پارٹی کے چیئرمین بلاول بھٹو زرداری نے وزیراعظم عمران خان کو تجویز دی ہے کہ وہ موجودہ حکومت کے خلاف مشترکہ اپوزیشن کی تحریک عدم اعتماد پیش کرنے سے قبل مستعفی ہو جائیں۔

بلاول کا یہ بیان لاہور میں افضل ندیم چن کی رہائش گاہ پر میڈیا سے بات چیت کے دوران سامنے آیا۔

اس دوران ندیم افضل چن نے پی ٹی آئی سے لاتعلقی کا اعلان کرتے ہوئے آج پی پی پی میں شمولیت اختیار کی۔

پی پی چیئرمین اسلام آباد کی طرف لانگ مارچ کی قیادت کرتے ہوئے راستے میں ندیم افضل چن کی رہائش گاہ پر رک گئے۔

انہوں نے کہا کہ موجودہ حکومت کے سامنے سب سے بڑا چیلنج تحریک عدم اعتماد کی صورت میں ہے۔

بلاول نے سینیٹ کے تازہ انتخابات کا ذکر کرتے ہوئے کہا کہ ہم نے پہلے بھی سینیٹ اور قومی اسمبلی میں حکومت کو شکست دی اور آئندہ بھی دیں گے۔

انہوں نے وزیر اعظم عمران خان کو چیلنج کیا کہ وہ اسمبلی کو تحلیل کر دیں،اگر انہیں عوام پر اعتماد ہے کہ وہ انہیں دوبارہ منتخب کریں گے۔

بلاول نے کہا کہ اگر وہ استعفیٰ نہیں دیتے اور اسمبلی تحلیل نہیں کرتے تو بھی اپوزیشن پوری طرح تیار ہے۔

lahore

Bilawal Bhutto Zardari

Nadeem Afzal Chan

media talk

no trust move

Comments are closed on this story.

تبصرے

تبولا

Taboola ads will show in this div