Aaj News

باجوڑ: افغان سرزمین سے پاک فوج کی چوکی پر فائرنگ، دو سپاہی شہید

بین الاقوامی سرحد پرافغان سرزمین سے دہشتگردوں نےپاکستانی علاقے...
شائع 29 اگست 2021 09:13pm

بین الاقوامی سرحد پرافغان سرزمین سے دہشتگردوں نےپاکستانی علاقے باجوڑ میں فوجی چوکی پر فائرنگ کردی۔ دو سپاہی شہید جبکہ جوابی کارروائی کے دوران تین دہشتگرد ہلاک ہوگئے۔

آئی ایس پی آرکے مطابق دہشتگردوں نے بین الاقوامی سرحد پر افغان علاقے سے باجوڑمیں فوجی چوکی پر فائرنگ کی جس کا فوجی جوانوں نے بھرپور جواب دیا۔

فائرنگ کے تبادلے میں مردان کے رہائشی 28 سالہ سپاہی جمال اورچترال کے رہائشی 21 سالہ سپاہی ایاز شہید ہوگئے۔

خفیہ اطلاعات کے مطابق اس واقعہ میں تین دہشتگرد ہلاک جبکہ 4زخمی ہوئے ہیں۔

پاکستان نےدہشتگردوں کی طرف سے افغان سرزمین کے استعمال کی شدید مذمت کرتے ہوئےامید کا اظہار کیا ہے کہ افغانستان کی موجودہ اور مستقبل کی انتظامیہ دہشتگردوں کو اس طرح کی سرگرمیوں کی اجازت نہیں دے گی۔

ISPR

terrorist attack

Comments are closed on this story.