نومنتخب ایرانی صدر ابراہیم رئیسی نے امریکا کو دو ٹوک جواب دیتے ہوئے کہا کہ بیلسٹک میزائل پروگرام پر مذاکرات نہیں ہوسکتے، خارجہ پالیسی جوہری معاہدے تک محدودنہیں ہوگی۔

ابراہیم رئیسی نے کہا کہ پوری دنیا سے بات چیت کرینگے، امریکا ایران پر عائد تمام امریکی پابندیاں اٹھانے کا پابند ہے، امریکا نے جوہری معاہدے دوہزار پندرہ کی خلاف ورزی کی، امریکا جوہری معاہدے کے تحت اپنے وعدے پورے کرے۔

ایرانی صدر نے کہا کہ یورپی یونین بھی وعدوں کی پاسداری میں ناکام رہی۔ نومنتخب ایرانی صدر نے امریکی صدر جوبائیڈن کے ساتھ ملاقات سے انکار کردیا۔