آل راؤنڈر محمد حفیظ نے بڑی آفر ٹھکرادی
پاکستان کے مایہ ناز آل راؤنڈر محمد حفیظ گزشتہ دنوں ایشیا کپ کے اسکواڈ میں اپنی جگہ بنانے میں ناکام رہے تھے تاہم انھوں نے ڈومیسٹک کرکٹ کی طرف رُخ کرلیا تھا۔
ڈومیسٹک سیزن کے پہلے ایک روزہ میچ میں حفیظ نے 80 گیندوں پر 82 رنز کی لاجواب اننگز کھیلی تھی۔ جس کے بعد اب انھیں کیریبین پریمیئر لیگ کے ناک آؤٹ مرحلے کے لئے کرس گیل کی ٹیم سینٹ کِٹس اینڈ نیوس پیٹریاٹس نے کھیلنے کی پیشکش کی ہے۔
Thank you @sknpatriots for the offer to join them for the important knock out stages.Unfortunately i won’t be able to join you as I have to play Domestic QEA trophy matches here in Pak. Wish you all the best @henrygayle & Team. Thanks to @icassociation for looking after me 👍
— Mohammad Hafeez (@MHafeez22) September 7, 2018
محمد حفیظ کو پیشکش تو موصول ہوئی تاہم انہوں نے اسے ٹھکرا دیا۔ پیشکش کے جواب میں حفیظ نے اپنے ٹویٹر پیغام میں سینٹ کٹس ٹیم انتظامیہ کا شکریہ ادا کیا اور کہا کہ میں سی پی ایل میں شرکت نہیں کرسکتا کیونکہ مجھے پاکستان میں ڈومیسٹک ٹورنامنٹ کھیلنا ہے۔
آل راؤنڈر نے کرس گیل کی ٹیم کیلئے نیک خواہشات کا اظہار کیا۔ اس سے قبل محمد حفیظ کینیڈا میں ہونے والی گلوبل ٹی ٹوینٹی لیگ میں بھی شرکت کی آفر موصول ہوئی تھی تاہم انہوں نے اس میں شرکت سے بھی معذرت کرلی تھی۔
Comments are closed on this story.