پاکستان کے شہر لاہور میں بسنت کا تہوار 20 برس بعد پورے جوش و خروش سے منایا جارہا ہے۔ اس تین روزہ فیسٹیول پر 6 سے 8 فروری حکومت کی طرف سے چھٹی کا اعلان بھی کیا گیا ہے۔ پورے شہر کو دلہن کی طرح سجایا گیا ہے۔ شہری چھتوں پر اپنے خاندان اور دوستوں کے ساتھ روایتی ”پتنگ بازی“ سے محظوظ ہو رہے ہیں اور“بو کاٹا“ کی صداؤں سے موسم بہار کا استقبال کر رہے ہیں۔ تاہم اس موقعے پر حکومت نے حفاظتی اقدامات اور قوانین پر عمل کرنا بھی لازمی قرار دیا ہے تاکہ حادثات سے بچا جاسکے۔