لاہورمسلم ٹاؤن میں ٹریکٹر ٹرالی نے موٹرسائیکل سواروں کو کچل دیا، نتیجے میں 4 افراد جاں بحق ہو گئے۔

تفصیلات کے مطابق لاہور کے علاقے مسلم ٹاؤن میں ایک دلخراش حادثہ پیش آیا جہاں تیز رفتار ٹریکٹر ٹرالی نے موٹرسائیکل سواروں کو بچانے کی کوشش کرتے ہوئے اچانک الٹ گئی۔ حادثے میں باپ بیٹے سمیت 4 افراد جاں بحق ہو گئے۔

پولیس کے مطابق حادثہ جناح انڈرپاس کے قریب پیش آیا جہاں ٹریکٹر ٹرالی نے موٹرسائیکل سواروں کو بچانے کی کوشش کی لیکن اچانک الٹ گئی جس کے نتیجے میں 4 افراد اینٹوں کے تلے دب گئے۔

پنجاب: مختلف حادثات میں 3 سگے بھائیوں سمیت 10 افراد جاں بحق

پولیس حکام نے بتایا کہ حادثے میں جاں بحق ہونے والوں میں احمد اور ریاض شامل ہیں جبکہ ٹریکٹر کے ڈرائیور اسامہ اور مزدور ریحان بھی ہلاک ہو گئے۔

پولیس نے جائے حادثہ پر پہنچ کر ریسکیو آپریشن کیا اور لاشیں قبضے میں لے کر پوسٹ مارٹم کے لیے منتقل کر دی ہیں۔

پولیس کا کہنا ہے کہ حادثے کی تحقیقات جاری ہیں اور مزید قانونی کارروائی کا بھی آغاز کر دیا گیا ہے۔