وفاقی وزیر داخلہ محسن نقوی نے راولپنڈی اسٹیڈیم پر بھارتی ڈرون حملے میں شہید ہونے والے محنت کش علی حیدر کے گھر کا دورہ کیا اور اہلخانہ سے اظہارِ تعزیت و ہمدردی کیا۔ انہوں نے شہید کے والدین کو دلاسہ دیا اور یقین دلایا کہ حکومت ان کے ساتھ کھڑی ہے۔

محسن نقوی نے شہید کے زخمی کزن منظور فیصل سے بھی ملاقات کی اور ہولی فیملی اسپتال میں زیر علاج دوسرے زخمی توقیر عباس کو بہترین طبی سہولیات فراہم کرنے کی ہدایت کی۔

بھارتی ڈرون سے یو ایس بی نما ڈیوائسز گرائے جانے کی اطلاعات، عوام محتاط رہیں، سول ڈیفنس حکام

وزیر داخلہ نے میڈیا سے گفتگو کرتے ہوئے کہا کہ شہید علی حیدر اپنے والدین کا واحد سہارا تھا، جن کے والد مزدوری کرتے ہیں۔ انہوں نے شہید کے اہلخانہ کے لیے 25 لاکھ روپے مالی امداد، ایک بہن کو سرکاری ملازمت، اور باقی اہلخانہ کے لیے تعلیمی سہولیات فراہم کرنے کا اعلان کیا۔

پاک فوج نے بھارت کے اسرائیلی ساختہ مزید 48 ڈرونز گرا دیے، تعداد 77 ہوگئی

محسن نقوی نے کہا کہ بھارت سے کامیابی ہمارے شہداء کے خون کی بدولت ملی ہے، اور اب بھارت کو کسی بھی مہم جوئی سے پہلے سو بار سوچنا پڑے گا۔ انہوں نے کہا کہ ہر محاذ پر دشمن کو منہ کی کھانی پڑی ہے اور آئندہ دنوں میں سائبر پروپیگنڈا کرنے والوں کے خلاف کارروائی بھی واضح ہو جائے گی۔

پاکستان بھارت کے درمیان پہلی ڈرون جنگ: مستقبل میں تباہی کس حد تک ہوسکتی ہے؟

پی ایس ایل سے متعلق سوال پر وزیر داخلہ نے کہا کہ اس حوالے سے حتمی فیصلہ آج شام تک کر لیا جائے گا۔