کرک کے علاقے ملاگی بانڈہ میں طوفانی بارش نے تباہی مچا دی، طغیانی کے باعث 2 افراد پانی میں بہہ گئے۔

تفصیلات کے مطابق کرک کےنواحی علاقےملاگی بانڈہ میں طوفانی بارش نے تباہی مچا دی ہے جس کے باعث ندی نالوں میں طغیانی سے 2 افراد سمیت درجنوں گائے، بھیڑاور بکریاں بھی پانی میں بہہ گئیں۔

زرائع کے مطابق بارش اور ژالہ باری سے گندم کی تیار فصل تباہ ہوگئی جس سے کسانوں کا لاکھوں کا نقصان ہوگیا۔

ریسکیو حکام کے مطابق مقامی افراد نےبہہ جانے والے دو افراد کی تلاش شروع کردی ہے۔