نوشکی میں ہونے والے سانحے میں ایک اور زخمی نے اسپتال میں دم توڑ دیا ہے، جس کے بعد جاں بحق ہونے والوں کی تعداد 3 ہو گئی ہے۔ فائر بریگیڈ کا اہلکار زخمی ہونے کے بعد زندگی کی بازی ہار گیا اور اس کی حالت تشویش ناک تھی۔

نوشکی سانحے کے 24 زخمی افراد کی حالت اب بھی تشویشناک بتائی جا رہی ہے تاہم اسپتال میں ان کا علاج کا جاری ہے۔

واضح رہے کہ گذشتہ روز بلوچستان کے ضلع نوشکی میں ٹرک اڈے کے قریب پیٹرول سے بھرا ٹرک دھماکے سے پھٹ گیا تھا، واقعے میں ایک ٹرک ڈرائیور موقع پر جاں بحق جبکہ 20 سے زائد افراد جھلس کر زخمی ہوئے تھے۔

پولیس کا کہنا تھا ہے کہ ٹرک کی ٹینکی میں گیس ویلڈنگ کرنے کے دوران آگ لگی، فائر بریگیڈ کی گاڑی سمیت کئی موٹرسائیکلیں بھی زد میں آگئیں۔

فائر بریگیڈ کا عملہ آگ بجھانے میں مصروف تھا جبکہ عوام کی بڑی تعداد بھی ٹرک کے قریب موجود تھی کہ اسی دوران ٹرک دھماکے سے پھٹ گیا، آگ کے باعث دھماکے سے قریب موجود لوگوں میں بھگدڑ مچ گئی۔