بلوچستان میں جعفر ایکسپریس ٹرین پر دہشتگردوں کے خلاف کامیاب آپریشن کے بعد ایک اور اچھی خبر سامنے آئی ہے کہ ٹرین ڈرائیور امجد یاسین جن کے حوالے سے متضاد خبریں آرہی تھیں وہ بالکل خیریت سے ہیں۔
آج نیوز نے ٹرین ڈرائیور امجد یاسین کی فوٹیج حاصل کرلی جس میں وہ کسی سے بات کرتے ہوئے اپنی خیریت بتا رہے ہیں۔
متضاد اطلاعات کا ذریعہ ایک ریلوے ملازم بنا جس نے وائس نوٹ جاری کیا تھا جب دہشت گردوں نے ٹرین پر حملہ کیا اور انجن پر فائرنگ کی جس میں امجد یاسین شدید زخمی ہوئے ہیں۔ بعد میں اسی ملازم کی وائس یہ چلی کہ امجد یاسین شہید ہو گئے۔
چونکہ اس وقت لوگوں کا آپس میں رابطہ نہیں ہو پا رہا تھا اس کے گھر والے بھی پریشان تھے، امجد یاسین کے بھائی سے رابطہ ہوا تو انھوں نے کہا کہ ہمیں کوئی اطلاع نہیں مل رہی کہ وہ زندہ ہے ہیں یا نہیں ہیں۔
اب جب کہ یہ کلیئرنس آپریشن شروع ہوا، تمام لوگ بازیاب ہوگئے، اس کے بعد معلوم ہوا کہ جو ٹرین کا اسٹاف تھا، انجن کا، اس میں ڈپٹی گارڈ اور دیگر تمام ساتھی محفوظ رہے۔
ڈرائیورامجد یاسین کی ویڈیو اپنے اہل خانہ سے بات کرتے ہوئے منظر عام پرآ چکی ہے۔ یہ بڑی کامیابی ہے کہ آپریشن میں تمام لوگوں کو ریسکو کیا گیا ہے۔
ذرائع کا کہنا ہے کہ سیکورٹی فورسز کے کامیاب آپریشن کے بعد اس وقت علاقے میں سرچ آپریشن جاری ہے، دہشت گردوں نے مختلف مقامات پر بارودی سرنگیں بچھائی ہوئی تھی جن کو ناکارہ بنایا جا رہا ہے۔
