پشاور: پاراچنار کے لیے بھیجا گیا امدادی سامان راستوں کی بندش کے خدشے کے پیش نظر 51 ٹرک ٹل سے واپس پشاور بھیج دیئے گئے۔

پی ڈی ایم اے کے 17 ٹرک اور صوبائی حکومت کے 63 ٹرک ٹل پہنچے تھے، جنہیں راستوں کی بندش کی وجہ سے ٹل اسکاؤٹس کمپاؤنڈ میں روکا گیا تھا۔

ڈپٹی کمشنر گوہر زمان وزیر نے بتایا کہ 51 ٹرک پشاور واپس روانہ کر دیے گئے ہیں۔

دوسری جانب ٹل میں امن کمیٹی، جرگہ مشیران، اور انتظامی افسران کے درمیان مذاکرات جاری ہیں اور مسئلے کے حل کی کوششیں کی جا رہی ہیں۔