چمن میں میزئی اڈا کے نزدیک دھماکے میں 2 افراد جاں بحق اور متعدد زخمی ہوگئے۔ دماکا زوردار تھا جس کی آواز دور تک سُنی گئی۔ امدادی اداروں نے موقع پر پہنچ کر اپنی سرگرمیاں شروع کردیں۔

چمن سے آج نیوز کے نمائندے نے اطلاع دی ہے کہ دھماکے میں زخمی ہونے والوں کو اسپتال منتقل کردیا گیا ہے۔

قانون نافذ کرنے والے اداروں کے اہلکاروں نے علاقے میں پہنچ کر تفتیش شروع کردی ہے۔ ابتدائی طور پر دھماکے کی نوعیت معلوم نہیں ہوسکی۔