کورونا ایس او پی پر عملدرآمد کیلئے کراچی میں سی ویو جانے والے راستے بھی بند کردیے گئے ہیں،، پولیس کی بھاری نفری تعینات کردی گئی ہے۔

کورونا وائرس کی تیسری خطرناک لہر اور کیسز میں بتدریج اضافےکے باعث حکومت کی جانب سے مزید سخت انتظامات کیے جا رہے ہیں، اسی سلسلے کے پیش نظر کورونا ایس او پی پر عملدرآمد کیلئے سی ویو جانے والے راستے بھی بند کیے گئے ہیں،، کلفٹن کے ساحل جانے والے تمام راستوں پر پولیس کی بھاری نفری تعینات کردی گئی ہے۔

یاد رہے کہ سندھ حکومت کی جانب سے عیدالفطر کی تعطیلات کے دوران تمام تفریحی مقامات بند رکھنے کےاحکامات ہیں جبکہ ایس او پی پر سختی سے عمل کیلئے کلفٹن کے ساحل پر خصوصی اقدامات کے تحت پولیس کی نفری تعینات کی گئی ہے ۔