راولپنڈی:بھارتی فوج کی لائن آف کنٹرول (ایل او سی )پر بلااشتعال فائرنگ کے نتیجے میں پاک فوج کے 2 جوان شہید ہوگئے، پاک فوج نے بھرپور جواب دیتے ہوئے دشمن کے دانت کھٹے کردیئے۔

پاک فوج کے شعبہ تعلقات عامہ (آئی ایس پی آر)کے مطابق بھارتی فوج نے لائن آف کنٹرول کے کھوئی رتہ سیکٹر میں ایک بار پھر سیز فائر کی خلاف ورزی کرتے ہوئے بلااشتعال فائرنگ کی۔

آئی ایس پی آر کے مطابق پاک فوج نے اشتعال انگیزی کا بھارتی فورسز کو بھرپور جواب دیا جس کے نتیجے میں دشمن فوج کو بھاری جانی نقصان اٹھانا پڑا۔

Indian troops initiated CFVs in Khuiratta Sector along #LOC. Pakistan army troops responded befittingly. Reports of heavy losses 2 Indian troops in men & material. During exchange of fire, while fighting valiantly, 2 soldiers, Lance Naik Tariq & Sepoy Zaroof embraced shahadat. pic.twitter.com/v5NqywqnP3

— DG ISPR (@OfficialDGISPR) December 9, 2020

آئی ایس پی آر کے مطابق فائرنگ کے تبادلے میں پاک فوج کے 2 جوانوں نے جام شہادت نوش کیا ،شہید ہونے والوں میں پاک فوج کے 38سالہ لانس نائیک طارق اور 31 سالہ سپاہی ظروف شامل ہیں۔

ڈی جی آئی ایس پی آر کا کہنا ہے کہ دونوں فوجی جوان بہادری سے مقابلہ کرتے ہوئے جام شہادت نوش کرگئے۔