اسلام آباد:وزیراعظم عمران خان کا کہنا ہےکہ ترقی پذیرممالک کرپٹ اشرافیہ کےباعث غربت کا شکار ہیں،امیرممالک،آف شور کمپنیز میں رقم کو ٹھکانے لگاتے ہیں۔

سماجی رابطے کی ویب سائٹ ٹوئٹر پر اپنے ٹویٹ میں وزیراعظم عمران خان نے نو منتخب امریکی صدر جوبائیڈن کی منی لانڈرنگ پرقابوپانےکی پالیسی کےمنصوبےکا خیرمقدم کیا ہے۔

وزیراعظم کا اپنے ٹویٹ میں کہنا تھا کہ میں ناجائز دولت کو ہدف بنانے کےحوالےسے منتخب امریکی صدر جو بائیڈن کےعزائم کا خیرمقدم کرتاہوں،ترقی پذیرممالک اپنی بدعنوان اشرافیہ کی کرپشن کےباعث غربت کاشکارہیں۔

میں ناجائز دولت کو ہدف بنانے کےحوالےسے منتخب امریکی صدر جو بائیڈن کےعزائم کا خیرمقدم کرتاہوں۔ ترقی پذیر ممالک اپنی بدعنوان اشرافیہ جو منی لانڈرنگ کےذریعے دولت امیر ملکوں اورٹیکس چوری کےغیر ملکی ٹھکانوں میں منتقل کرتی ہے، کےہاتھوں مفلسی کےگھاٹ اتارےجارہےہیںhttps://t.co/40GcFhprtz

— Imran Khan (@ImranKhanPTI) December 9, 2020

عمران خان نے مزید کہا کہ ترقی پذیر ممالک کے بااثر افراد منی لانڈرنگ کےذریعے دولت امیر ملکوں اور ٹیکس چوری کے غیر ملکی ٹھکانوں میں منتقل کرتے ہیں، انہی کی وجہ سے یہ ممالک مفلسی کےگھاٹ اتارےجارہے ہیں۔