کوہستان کرپشن اسکینڈل میں تین ارب سے زائد کی کرپشن کے ملزم محمد ایوب نے پلی بارگین کیلئے پشاور ہائیکورٹ سے رجوع کرلیا۔ عدالت نے درخواست گزار کو نیب سے رجوع کرنے کی ہدایت کردی اور درخواست نمٹادی گئی۔

کوہستان اسکینڈل میں تین ارب سے زائد کی کرپشن میں ملوث ملزم محمد ایوب پلی بارگین کرانے کیلئے عدالت پہنچ گیا۔

ملزم محمد ایوب نے نیب سے پلی بارگین کرانے کیلئے عدالت کو حکم جاری کرنے کی استدعا کی تاہم عدالت نے انہیں نیب سے رجوع کرنے کی ہدایت دیتے ہوئے درخواست نمٹادی۔

پشاور ہائی کورٹ میں ملزم کی درخواست کی سماعت کے دوران ان کے وکیل نے عدالت کو بتایا کہ ملزم پلی بارگین کرنا چاہتے ہیں، عدالت نیب کو اس ضمن میں حکم جاری کرے۔

سماعت کے دوران عدالت کے جج جسٹس صاحبزادہ اسداللہ نے ریمارکس دئے کہ یہ ہمارا کام نہیں ہے، یہ نیب اور آپ کا آپس کا معاملہ ہے۔ پلی بارگین کیلئے ہم نیب کو کیسے ڈائریکشن دے سکتے ہیں!

عدالت نے ریمارکس دئے کہ ہم اس درخواست کو نمٹا دیتے ہیں، نیب قانون کے مطابق پلی بارگین کی درخواست سنے