ملک میں پولیو کا ایک اورکیس سامنے آگیا۔ رواں سال کیسز کی تعداد 14 ہوگئی۔

پاکستان میں پولیو کا ایک اور کیس سامنے آگیا ہے جس کے بعد رواں سال ملک بھر میں پولیو کے کیسز کی تعداد 14 ہو گئی ہے۔

نیشنل ایمرجنسی آپریشن سنٹر کے مطابق نیا کیس شمالی وزیرستان کے میرانشاہ سے رپورٹ ہوا ہے، جہاں 19 ماہ کے بچے میں پولیو وائرس کی تصدیق ہوئی ہے۔

رواں سال خیبرپختونخوا سے 8، سندھ سے 4، پنجاب سے 1 اور گلگت بلتستان سے 1 پولیو کیسز رپورٹ ہو چکے ہیں۔

حکومت اور صحت کے ادارے پولیو کے خاتمے کے لیے اقدامات جاری رکھے ہوئے ہیں۔