مانسہرہ میں سکینگ کے دوران لاپتہ ہونے والے دو غیر ملکی سیاحوں کو 10 گھنٹے کے طویل سرچ آپریشن کے بعد بحفاظت ریسکیو کر لیا گیا۔

کاغان ڈیویلپمنٹ اتھارٹی (کے ڈی اے) حکام کے مطابق، دونوں غیر ملکی سیاح سری پایا میں سکینگ سے لطف اندوز ہو رہے تھے لیکن مکھڑا پائے کی طرف نکل جانے کے بعد راستہ بھٹک گئے۔ اطلاع ملتے ہی کے ڈی اے، مقامی پولیس اور ٹورزم پولیس نے فوری طور پر سرچ آپریشن شروع کیا۔

حکام کے مطابق، غیر ملکی سیاحوں کو کوہ مکھڑا کے دامن میں واقع بیس کیمپ کے قریب سے ریسکیو کیا گیا، جہاں انہوں نے پوری رات گزاری۔ بعد ازاں، دونوں سیاحوں کو بحفاظت شوگران پہنچا دیا گیا۔