وزیراعلٰی بلوچستان سرفرازبگٹی کا کہنا ہے کہ دہشت گردی صرف بلوچستان کا نہیں، پورے ملک کا مسئلہ ہے، کچھ لوگ سوشل میڈیا پر اداروں کے خلاف تقریریں کرکے اپنی شناخت بناتے ہیں جو مناسب رویہ نہیں ہے۔

بلوچستان اسمبلی سے خطاب کرتے ہوئے وزیراعلیٰ بلوچستان سرفرازبگٹی کا کہنا ہے کہ پاکستان ایک حقیقت ہے جسے تشدد کے ذریعے نہیں توڑا جا سکتا۔ ریاست سیاست سے زیادہ اہم ہے اور ہمیں ان عناصر کے خلاف اقدام کرنا ہوگا، جو بندوق کی زبان بولتے ہیں۔

بلوچستان اسمبلی سے خطاب کرتے ہوئے وزیراعلیٰ نے کہا کہ ہمیں سچ بولنے سے خوفزدہ نہیں ہونا چاہئیے، مگرسیاسی مجبوریوں اور فائدوں کی وجہ سے اکثرحقائق بیان نہیں کئے جاتے۔

انہوں نے کہا کہ کچھ لوگ سوشل میڈیا پراداروں کے خلاف تقریریں کرکے اپنی شناخت بناتے ہیں جو مناسب رویہ نہیں ہے۔

وزیراعلٰی بلوچستان نے بلوچستان میں امن و امان کی بگڑتی صورتحال پر تشویش کا اظہار کرتے ہوئے کہا کہ دہشت گردی صرف بلوچستان کا نہیں بلکہ پورے ملک کا مسئلہ ہے۔ ریاست سیاست سے زیادہ اہم ہے اور ہمیں ان عناصر کے خلاف اقدام کرنا ہوگا جو بندوق کی زبان بولتے ہیں۔

انہوں نے بلوچستان کو آئینی حقوق دیے جانے کا ذکرکرتے ہوئے کہا کہ ترقی پورے ملک کا مسئلہ ہے جس پر سب کو مل کر کام کرنا ہوگا۔

سرفراز بگٹی نے مطالبہ کیا کہ بلوچستان میں امن و امان کی صورتحال پر ان کیمرہ اجلاس بلایا جائے تاکہ ارکان بلاخوف اپنی بات کہہ سکیں۔

بلوچستان اسمبلی میں انہوں نے قلات میں دہشت گردی کے واقعے کی شدید مذمت کی اوراس حوالے سے پیش کی جانے والی قرارداد کی حمایت کی۔