الیکشن کمیشن نے 4 حلقوں میں انتخابات ملتوی کر دیے۔ حلقوں میں الیکشن روکنے کا نوٹیفکیشن بھی جاری کردیا گیا۔

الیکشن کمیشن کے مطابق پی پی 266، این اے 8 باجوڑ، پی کے 22 باجوڑ اور پی کے 91 کوہاٹ میں الیکشنز روکے گئے۔

چاروں حلقوں میں الیکشنز امیدواروں کی وفات کی وجہ سے روکے گئے۔

اس حوالے سے الیکشن کمیشن نے مزید بتایا کہ چاروں حلقوں میں انتخابات کا شیڈول بعد میں جاری ہوگا۔

الیکشن کمیشن کے مطابق چاروں حلقوں میں امیدوار دوبارہ کاغذات نامزدگی جمع کرائیں گے۔