پہلوانوں کے شہر گوجرانوالہ میں بہادر لڑکی نے پرس چھیننے والے ڈاکوؤں سے اسلحہ چھین کر ڈکیتی کی واردات ناکام بنادی، شہریوں نے طالبہ کے ساتھ مل کر ڈاکوؤں کو پکڑ کر پولیس کے حوالے کر دیا۔

بسمہ شاہ نامی یونیورسٹی طالبہ والدہ کے ہمراہ اسٹاپ پر بس کا انتظار کر رہی تھیں کہ دو مسلح ڈاکوؤں نے ان سے پرس چھیننے کی کوشش کی۔

بسمہ شاہد نے جرات کا مظاہرہ کر تے ہوئے ڈاکوؤں سے پستول چھین لیا، شہریوں نے طالبہ کے ساتھ ملکر ڈاکوؤں کو پکڑا، درگت بنائی اور پولیس کے حوالے کر دیا۔

ویڈیو میں دیکھا جاسکتا ہے کہ ڈاکو بہادر بسمہ سے معافیاں مانگ رہے ہیں۔

کینٹ پولیس نے دونوں ڈاکوؤں کو گرفتار کر کے مقدمہ درج کر لیا۔