محکمہ اینٹی کرپشن نے لاہور میں کارروائی کرتے ہوئے مسلم لیگ ن کے سینیٹر عبدالکریم کے بیٹے اسامہ عبدالکریم کو تحویل میں لے لیا۔

لیگی رہنما کے بیٹے پر مسجد کی زمین پر قبضہ کرکے شاپنگ پلازہ تعمیر کرنے کا الزام ہے۔

اسامہ کیخلاف سنگین کرپشن کے مقدمے کے اندراج کے بعد کارروائی عمل میں لائی گئی۔ ملزم کو ڈیرہ غازی خان سے گرفتار کیا گیا۔

اسامہ عبدالکریم کیخلاف متعدد دفعات کے تحت کارروائی کی جارہی ہے۔

محکمہ اینٹی کرپشن پنجاب اسامہ سے معاملے کی مزید تفتیش کرے گا۔