پی ٹی آئی چیئرمین عمران خان کے حامی تجزیہ نگار ہارون الرشید نے لانگ مارچ کے دوران سابق وزیراعظم کو پارٹی رہنماؤں کی جانب سے دھوکہ دیئے جانے کا خدشہ ظاہر کردیا ہے۔

ہارون الرشید نے کہا ہے کہ ان کی اطلاعات کے مطابق بعض پی ٹی آئی رہنما لانگ مارچ میں حصہ لینے کے بجائے گرفتاری دینے کا ارادہ رکھتے ہیں جب کہ کئی دیگر ٹرانسپورٹ کا انتظام نہیں کر رہے۔

ہارون الرشید نے بدھ کو اپنے خدشات کا اظہار ایک ٹوئیٹ میں کیا۔

انہوں نے کہا کہ عمران خاں جانتے ہیں یا نہیں کہ ہر کہیں لانگ مارچ کی تیاری ویسی نہیں ’جیسی وہ چاہتے ہیں۔ ایسے لیڈر بھی ہیں جو گرفتاری دینے کا ارادہ رکھتے ہیں۔ بعض ٹرانسپورٹ کا بندوبست نہیں کر رہے۔ بعض خود آگے بڑھ کے رابطے نہیں کر رہے ۔ بعض شہروں میں کارکن شکوہ سنج ہیں۔۔