کولمبو: ایشیا کپ کرکٹ ٹورنامنٹ کا انعقاد سری لنکا میں ہی ہوگا، سری لنکا کرکٹ کو ایشین کرکٹ کونسل کی جانب سے گرین سگنل مل گیا۔

غیرملکی میڈیا کے مطابق ٹی 20 فارمیٹ کے تحت کھیلے جانے والے ایونٹ کے میچز 27 اگست سے 11 ستمبرتک کولمبو اور کینڈی میں ہوں گے ۔

روایتی حریف پاکستان اور بھارت کا مقابلہ 28 اگست کو ہوگا، پاکستان، بھارت، سری لنکا ، بنگلا دیش اور افغانستان مین راؤنڈ میں شامل ہیں جبکہ یواےای، نیپال، عمان اور ہانگ کانگ کوالیفائنگ راؤنڈ کھیلیں گے۔