ہالینڈ کی وزیر خارجہ سِگرڈ کاغ آج اسلام آباد پہنچ رہی ہیں. دورہ پاکستان کے موقع پر وہ افغانستان میں ابھرتی صورتحال پر پاکستانی قیادت کے ساتھ بات چیت کریں گی۔

ہالینڈ کی وزیر خارجہ اپنے پاکستانی ہم منصب شاہ محمود قریشی سے دو طرفہ امور پر تبادلہ خیال کریں گی۔

افغانستان میں حالیہ پیشرفت کے تناظر میں پاکستان اور ہالینڈ قریبی رابطے میں ہیں۔ پاکستان سفارتی اور دیگر عملے کے افغانستان سے انخلاء کی کوششوں میں ہالینڈ کو مکمل سہولت فراہم کررہا ہے۔

دفتر خارجہ کے ترجمان نے ایک بیان میں کہا ہے کہ پاکستان اور ہالینڈ کے قریبی اور گہرے تعلقات ہیں۔ہالینڈ یورپی یونین میں پاکستان کا سب سے بڑا تجارتی شراکت دار ہے، پاکستان میں ہالینڈ کی متعدد کمپنیاں سرمایہ کاری کررہی ہیں۔

ریڈیو پاکستان