پاکستان مسلم لیگ صدر شہبازشریف سے سربراہ پی ڈی ایم مولانا فضل الرحمان نے ٹیلی فون پر رابطہ کیا۔ شہبازشریف کورہائی پرمبارک دی اورملکی سیاسی صورتحال پر تبادلہ خیال بھی کیا۔

مسلم لیگ ن کی ترجمان مریم اورنگزیب کے مطابق مولانا فضل الرحمان نے شہبازشریف کو رہائی پر مبارک باد دی اورنیک تمناوں کا اظہار کیا ۔

شہبازشریف نےمولانا فضل الرحمن کا شکریہ ادا کیا اوران کی مزاج پرسی کی ۔ دونوں رہنماوں نے ملک کی مجموعی سیاسی صورتحال اور پی ڈی ایم کے ایجنڈے سے متعلق امور پر بھی تبادلہ خیال کیا ۔

مولانا فضل الرحمن نے پی ڈی ایم کااجلاس بلانے کے حوالے سےشہبازشریف کو اعتماد میں لیا۔

دونوں رہنماوں کی جانب سے کورونا وبا میں شدت، ملک میں آکسیجن سلنڈر کی قلت اور اموات کی شرح میں اضافے پر تشویش کا اظہار کیا گیا۔