خیبر پختونخوا حکومت نے محکمہ تعلیم میں اساتذہ کی بھرتیوں کے لیے ہونے والے ٹیسٹ میں پرچہ لیک ہونے پر نتائج روک کر معاملے کی انکوئری شروع کر دی۔

محکمہ تعلیم خیبر پختونخوا میں نجی ٹیسٹنگ ایجنسی کےذریعے پی ایس ٹی کے لیے ٹسٹ کے پرچے آوٹ ہونے کی شکایت میں حکومت حرکت میں اگئی۔ وزیر اعلی کی ہدایت پر وزیر اعلی انسپیکشن ٹیم نے انکوئری شروع کر دی۔

وزیر تعلیم خیبرپختونخوا نے بتایا کہ انکوئری مکمل ہونے تک نتائج بھی روک دئے گئے اور کہا کہ ہر صورت میرٹ کو یقینی بنایا جائے گا۔

سی ایم انسپیکشن ٹیم سات دن میں معاملے کی تحقیقات کرکے رپورٹ پیش کرے گی۔